Вазорати маориф ва илми Ҷумҳурии Тоҷикистон, Барномаи озуқавории ҷаҳонии СММ (БОҶ) ва Институти ғизои соҳавӣ (SIFI) маротибаи дуюм озмуни ҳамасолаи “Беҳтарин боғи мактабӣ” – ро оғоз намуданд. Ташаббуси мазкур муаллимон, хонандагон ва волидонро дар атрофи як идеяи оддӣ, вале муҳим муттаҳид мекунад: табдил додани майдони мактаб ба ҷойҳое, ки кӯдакон парвариши ғизои органикӣ, нигоҳубини табиат ва якҷоя амал карданро меомӯзанд.

 

Боғи оддии мактаб метавонад ба ганҷинаи воқеии дониш, саломатӣ ва илҳом табдил ёбад. Озмуни нави "Беҳтарин боғи мактаб - 2025" дар ин бора аст. Имсол он таҳти шиори илҳомбахши «Ганҷи замин: Боғи органикии орзуҳо» мегузарад.

Боғ ҳамчун нуқтаи афзоиш

Ҳар як мактабе, ки дар барномаи ғизои мактабии БОҶ иштирок менамояд, бояд то 30 август муроҷиат намуда, ба саёҳати сабз ҳамроҳ шавад. Дар назар аст, на танҳо ҳосили фаровон, балки ҷоизаҳои устувор: грантҳо ба маблағи 10 000 сомонӣ барои лоиҳаҳои беҳтарин дар категорияҳои «боғи сабзавот», «боғ» ва «гармхона», инчунин таҷҳизоти муфид барои ғолибон.

Аммо чизи асосӣ имконияти ба лабораторияи зинда табдил додани қитъаи замин аст, ки дар он бачаҳо на танҳо кофтан ва об мондан аст, балки мефащманд, ки хоҷагии органикӣ чӣ тавр кор мекунад, барои чӣ кирмҳо лозиманд, чӣ тавр «оқилона» об додан, ғизои солим ва нигоҳубини табиатро ёд гиранд. 

Чӣ бояд кард?

Мактаб бояд қитъаи замини тақрибан 5x10 метрро интихоб намуда, дар он ҷо як лоиҳаи воқеан аҷибе ташкил кунад.

Кӯдакон таҳти роҳбарии омӯзгорон ва волидон бо истифода аз технологияҳои инноватсионии кишоварзии органикӣ сабзавоту меваҳои табиӣ парвариш мекунанд. Муҳим аст, ки на танҳо парвариши ҳосил, балки ба таври зебо пешниҳод кардани лоиҳа, ҷалби ҷомеаи маҳаллӣ ва ташкили чорабиниҳои сатҳи баланд барои ҷамъоварӣ ва истифодаи он.

Баъд чӣ? Мактабҳо бояд то 30 октябр акс, видео ва тавсифи мухтасари лоиҳаи худро пешниҳод кунанд. Беҳтарин лоиҳаҳоро коршиносони вазоратҳои маориф ва илм ва кишоварзӣ арзёбӣ мекунанд.

Дар баробари ин барои мактаббачагон озмуни эҷодӣ гузаронда мешавад. Рассомони ҷавон сеҳри боғи идеалии худро мекашанд ва хонандагони синфҳои болоӣ иншо навишта, андешаҳои худро дар бораи чӣ гуна кишоварзии органикӣ метавонад саҳни мактаб ва ҷомеаро тағйир диҳад.

Барои шинос шудан ба шартҳои иштирок, талаботи дархост ва марҳилаҳои озмун ба пайванди зер ворид шавед:
Форма пешниходи дархост барои иштирок дар озмун.pdf [5.28 Mb]
Қоидаҳои иштирок дар озмун _compressed.pdf [1.25 Mb]
Презентация оид ба иштирок дар озмун_compressed.pdf [2.02 Mb]  

Бигзор боғҳои шумо макони илҳом ва кашфиёт гарданд!